1.
ATUR PASRAH PENGANTEN KAKUNG
Assalamualaikum wr.wb.
Nuwun. Puji pangastuti ing ngarsaning Gusti
ingkang sampn paring kanugrahan satemah Penganten kakung sapangombyong saged
sowan mriki kanthi kebak ing karaharjan.
Nuwun, Bp..... minangka sulih saliranipun
Bp/Ibu .... , kula pun.... minangka sulih saliranipun Bp/Ibu .... ngaturaken
kawilujengan saha salam taklim mugi katur panjenenganipun Bp/Ibu... sarimbit.
Anetepi rantamaning adicara ingkang sampun gumathok, sowan kula sarombongan ing
mriki kautus Bp/Ibu ... saprlu nyowanaken ingkang putra calon penganten kakung
inggih Bagus .... ingkang hamengku panuwun saged kapareng hanampi sanguning
gesang bebrayan saking panjenenganipun Bp.... ingkang pawujud piwulang Catur Wedha,
ingkang sampun kasusra.
Nuwun inggih, kawula ugi ngaturaken
srah-srahan minangka tandha sih katresnan, satuhu amung sageda hangraketaken
anggenipun sami badhe bebesanan. Pramila ingkang menika, kepareng Bp ....
sekaliyan kersa nampi kanthi tulusing wardaya gembiraning manah.
Wasana, temtunipun anggen kula sakadang
marak sowan ngriki wonten trapsila atur punapa gonyak ganyuk nglelingsemi
ingkang andadosaken kirang renaning penggalih panjenengan sakulawarga, kawula
nyuwun gunging sih samodra pangaksami.
Nuwun. Wassalamualaikum wr.wb.
2.
PASRAH PENGANTEN KAKUNG
Assalamualaikum
wr. wb
Kawula nuwun.
Saderengipun kula ngaturaken kasugengan saha sih nugrahaning Gusti Ingkang Maha
Asih, mugi kajiwa kasarira wonten ing panjenengan sedaya. Kairing sagunging
pakurmatan, Ibu saha Bapak...tuwin para putra putri, dalasan sagung kulawarga,
miwah para rawuh ingkang minulya.
Bapak ...
ingkang kinurmatan. Wekdal menika kula kadhawuhan dening kadang kula Bapak.....
Sepisan, kula ngaturaken salam taklimipun Bapak.... kanthi pepuji mugi-mugi
Bapak.....sakulawarga tansah pinaringan sih nugrahaning Pangeran, satemah
ambabar wilujeng rawuh dhumateng para rawuh ing sedayanipun, kalis ing rubeda
lampahipun.
Kaping kalih,
jeneng kula kinanthen rowang sawetawis kadhawuhan nyowanaken calon penganten
kakung pun Bagus.... putra kakungipun Bapak ingkang sampun sarembag badhe
kadhaupaken kaliyan Nimas Ayu.... putri Bapak... ingkang minulya ing gati,
kinurmatan brayatipun.
Ing titi wanci
menika, kawula ugi ngaturaken srah-srahan minangka tandha sih katresnan, satuhu
amung sageda hangraketaken anggenipun sami badhe bebesanan. Pramila ingkang
menika, kepareng Bp .... sekaliyan kersa nampi kanthi tulusing wardaya
gembiraning manah.
Wasana,
temtunipun anggen kula sakadang marak sowan ngriki wonten trapsila atur punapa
gonyak ganyuk nglelingsemi ingkang andadosaken kirang renaning penggalih
panjenengan sakulawarga, kawula nyuwun gunging sih samodra pangaksami.
Wassalamualaikum
wr.wb.
3. ATUR
PANAMPI
Assalamualaikum wr.wb.
Linambaran
manungku puja wonten sahandhap pepadaning Gusti Ingkang Maha Welas lan Asih,
mugi sedaya pinaringan rahayu widada kang samya pinangggih. Amin.
Nuwun, Bp....
minangka sulih saliranipun Bp/Ibu...., kula pun....minangka sulih saliranipun
Bp/Ibu.... kepareng matur :
Sepisan,
ngaturaken pambagya wilujeng rawuh dhumateng panjenengan sapangombyong. Kaping
kalih paringipun salam taklim saking panjenenganipun Bp/ibu....sampun kula
tampi lan kula aturaken wonten ngarsanipun Bp/Ibu.... kaping tiga, menggah
pasrah panjenengan penganten kakung pun Bagus.....putra kakungipun
Bp/Ibu.....sampun kula tampi, tumunten badhe kadhaupaken kaliyan nimas
ayu......putri saking Bp/Ibu..... Kanthi menika kula nyuwun donga pangestu,
mugi-mugi dhaupin sri penganten lancar gancar kalis ing sambekala, boten wonten
pambeng setunggal menapa.
Salajengipun,
paring panjenengan uba rampe sarat sarana kula tampi, mugi saged ndadosna
bebesanan ing antawisipun kulawarga kekalih.
Wasana,temtu
kathah kekirangan anggenipun kula nampi panjenengan sapangombyong. Pramila kula
nyuwun gunging pangaksami.
Nuwun.
Wassalamualaikum wr.wb.
4. ATUR
PAMBAGYAHARJA ING PAWIWAHAN
Assalamualaikum wr.wb.
Kawula nuwun.
Awit lumintuning pudyastawa saking Gusti Allah ambabar daya pangaribawa ingkang
tumanduk dhumateng kawula dasih. Kacihna ing salebeting ri kalenggahan menika
kula lan panjenengan pinarengan jempal manunggal kanthi karaharjan . paripeksa
anggempil kamardikan panjenengan sami nigas wacana munggel pangandikan,mugi
kallan kula minangka suli saliranipun Bp.... sakulawarga ingkang hamengku karsa
pawiwahan ing dinten menika.
Para rawuh
sedaya, Bp saha Ibu.... ngaturaken
pambagyaharja katur sanggyaning para rawuh ingkang sampun rawuh kanthi
nglonggaraken penggalih lan wekdal saperlu paring donga pangestu dhumaten
penganten kekalih, mliginipun sumrambah dhateng keluwarga.....umumipun.
bapak/Ibu.... namung saged ndedonga mugi Ingkang Maha Agung tansah angluberna
rahmat lan berkah ingkang kalangkung.
Nuhoni
rantamaning titi laksana adicara ingkang sampun karumpaka gumathok wonten ing
kitir sadana anenggih kitir sedhahan, bilih wonten ari ingkang piniji, saat
ingkang pinilih. Wonten kalenggahan punika. Dhaupipun sri atmaja risang
temanten kekalih, nimas ayu.... putri Bapak ....saha bagus.... putra
bapak...nir ing sambekala. Awit saking berkah sihinh Gusti ingkang Maha Agung,
sedaya lumampah kanthi kebak ing barokah. Amargi sinengkuyung dening para
panitra ingkang mbiyantu karya, satemah adicara lumampah kanthi rancag. Inggih
amargi rawuhipun sanggyaning para rawuh, rumaos bombong,biruwa ing penggalih.
Kadikelem karokan manis sinandhing kastuba manik. Pramila saking rawuhipun
panjenengan sedaya, ngaturaken gunging panuwun ingkang tanpa pepindhan, boten
saged cinitra ing ukara, sinerat ing sastra.
Sedaya
kekiranganipun, sah cecet cewetipun ingkang awujud palenggahan ingkang boten
satraju kaliyan kalenggahan panjenengan, pasugatan ingkang boten misra saha
boten ngamiraos, mugi kersa panjenengan ngluberaken smodranig sih pangkasama.
Wonten pepuntoning atur kula, amung cumedhong pandonga pangestu mugi murakabana
kaluwarga, mliginipun risang penganten kekalih.
Pungkasaning
atur, kula ingkang ngandhar-andhar angendhukur, nerak ing subasita, miwah
nyebal ing paramasastra, mugi panjenengan paring gunging pangaksama.
Nuwun.
Wassalamualaikum wr.wb.
Tidak ada komentar:
Posting Komentar