DONYA WIS LUNGSE

Dening : Rini Tri Puspohardini

Muyeg saemba pasar

Ala becik mapan digelar

Lamun luput nintingi

Ora mokal ati keplantrang

Kaya ngoyak playune ayangayang

Ndeder kang bisa dibayangake

Luwih ndeder kanyatane

Kekitrang

Kaya prau kelangan layar

Wuta wektu, wuta dunung

Lumaku tanpa papan katuju

Apa jatine ngaurip

Yen ta sakeh daya

Prasasat nglari susuhe angin

Esuk sore lan wengi

Dadi liturgi kang dilakoni

Tanpa ati

Lan rasa…

Sansaya kangelan maca tandha-tandha jaman

Katrem ing jagad fatamorgana

Ara ara segara wedhi

Sajake padha kelalen

Donya wis watara lunges

Kari ngenteni

Tancep kayone

Kidung saka Bandungan

Rini Tri Puspohardini