PAWARTA

Ingkang dipunwastani pawarta inggih menika prastawa utawi kedadosan ingkang nglantaraken babagan tartamtu saking sadhengah kedadosan ingkang dumados.

Wondene bab-bab ingkang kedah dipungatosaken supados pawarta saged becik lan narik kawigaten inggih menika

1.      Aktual

Ateges pawarta ingkang dipunpacak /dipunsiaraken engga, boten kadaluwarsa, dados prastawa utawi tokohipun taksih sumebar dados rembugan wonten ing masyarakat.

2.      Basa ingkang dipunginakaken singkat, padhat, lan saged dipunpercados

3.      Narik kawigaten, ateges basa utawi perkawisipun damel sengseming para maos / pamidhanget

4.      Anyar, perkawisipun mujudaken perkawis anyar.

Maos Pawarta

Bab ingkang kedah dipungatosaken nalika maos pawarta :

1.      Intonasi

Intonasi kedah pas, kapan ngangge titik, koma, lan tandha sanese

2.      Artikulasi

Vokal kedah leres lan saboten-botenipun saged ngicali dialek

3.      Ekspresi

Pasuryan nalika maos pawarta kedah selaras kaliyan tema pawarta

4.      Sikap

Sikap kedah sae lan trep

5.      Panyigeging ukara

Caranipun nyigeg ukara kedah leres amrih boten luput anggenipun nyigeg ukara/ negesi ukara

6.      Wiraga

Wusananipun kedah trep, pantes, boten ingah-ingih, boten ndredheg, lan saged damel regenging swasana

7.      Wirama

Wirama kedah dipuntrepaken, utaminipun pengucapan lisan kedah tansah cetha

8.      Wirasa

Ngagem basa ingkang komunikatif, prayogi gampil dipunmangertosi lan ngagem unggah-ungguh.