Sesorah

Sesorah inggih menika micara sakngejengipun tiyang kathah. sesorah ugi saged dipun sebat medhar sabda, mawan pangandhikan sakngajengipun tiyang kathah. ingkang kedhah dipun gatosaken anggenipun sesorah kedhah migatosaken 4W, inggih menika: wicara, wiraga, wirama ugi wirasa
1. Wicara. (anggenipun micara mboten angsal seru sanget utawi alon sanget)
2. Wiraga (raganipun kedhah jejeg, mboten ndungkluk utawi tegang, lajeng astanipun ingkang kiwa wonten ngandhap lajeng ingkang tengen wonten nginggil. menika dipun sebat ngapurancang)
3. Wirama (menawi ngendhikan kedhah migatosaken iramanipun, mboten cepet sanget utawi alon sanget)
4. wirasa (kedhah migatosaken wirasa, mboten angsal acara lelayu kanthi guyon)
Sesorah urut2anipun keperang dados 5 perkawis. inggih menika:
1. atur salam (ingkang kinurmatan bpak…., ibu… kanca2,.. sarta…lsp)
2. atur sukur (syukur dhumateng ghusti ingkang maha agung…)
3. iisi
4. pangarep-arep ( mugiya…)
5. panutup..

Tuladha sesorah

           

            Assalamu’alaikum wr.wb                                                                                            Nuwun,                                                                      

Bapak Kepala Sekolah SMA N 10 Yogyakarta ingkang satuhu kinurmatan, bapak ibu guru saha karyawan ingkang kula kurmati, sarta para kanca ingkang tansah bagya mulya.                                                                                                                       

Kanthi rahmat saha barokahipun Gusti Ingkang Maha Agung, katilik ing wekdal punika kita sedaya saged manunggal pepanggihan ing papan mriki kanthi rahayu wilujeng nir ing sambikala.                                                                          

Keparenga kula ingkang piniji minangka wakil saking para siswa, ngaturaken sugeng riyadi, nyuwun pangapunten sedaya kalepatan kula sakanca dhumateng bapak ibu guru. Mugi Gusti nampi pangapunten kula lumantar panjenengan sedaya. Mugi Gusti ugi nampi amal ibadah kita, tansah ngluberaken karahayon, kabagyan, katentreman lan keslametan dhateng kita sedaya. Amin.                                                                

Mugi-mugi acara menika dados sarana nglebur dosa antawisipun sesami, ingkang rumaos lepat boten kaambali malih ing wekdal candhakipun. Awit kalepatan, dosa, lan khilaf punika sandhanganing tiyang gesang, sumangga kita sedaya tepa salira, amrih gesang kita tansah bagya mulya.                                                                

Cekap semanten atur kula, menawi wonten kaduking wicara saha solah bawa ingkang mboten ndadosaken rena ing penggalih bapak ibu guru, karyawan sarta para kanca, kula nyuwun agunging pangaksama.                                                         

Nuwun.

Wassalamu’alaikum wr.wb